Crna Gora igra za 7. mjesto na OI

Vaterpolisti Crne Gore poraženi su od Hrvatske 12:10 i igraće za 7. mjesto na Olimpijskim igrama u Tokiju.

"Ajkule" su podsjećamo, eliminisane u četvrtfinalu od Grčke, dok je od Hrvata bila bolja Mađarska.

U današnjem porazu, nakon prve četvrtine u kojoj smo vidjeli samo jedan gol, i to Hrvatske, u drugoj čak devet, i na poluvremenu smo imali minus od dva gola. Treća dionica bila je izjednačena 3:3, ali su Hrvati serijom od 2:0 na startu posljednje napravili četiri gola prednosti.

U našoj selekciji istakao se Ivović sa tri gola, po dva su postigli Matković i Perković, a po gol Brguljan, Vidović i Ukropina. Kod Hrvata najbolji Ante Vukićević sa tri gola.

Crna Gora će u nedjelju igrati sa poraženim iz meča Italija - SAD u borbi za 7. mjesto.