PEROVIĆ: Neprocjenjivo iskustvo za mlade igrače

Selektor vaterpolo reprezentacije Crne Gore Ranko Perović poslije pobjede nad Francuskom kazao je da su odigrali korektnu utakmicu i da su opravdali ulogu favorita.

''Uglavnom sam zadovoljan. Mislim da smo dobro otvorili utakmicu. Pristup je bio pravi, odmah smo uspjeli da napravimo razliku koju smo održavali tokom većeg dijela utakmice. Naravno, bilo je padova u igri, propuštenih šansi, lako primljenih golova, ali valjda su to te dječije bolesti kroz koje moramo proći. Kad se sve sabere mislim da smo odigrali korektnu utakmicu i da smo zasluženo pobijedili i opravdali ulogu favorita'', kazao je Perović.

''Ovo je neprocjenjivo iskustvo za mlade igrače. Kroz ove utakmice stiču to potrebno iskustvo igranja na velikoj sceni, igraju mečeve protiv reprezentacija koji su veći nivo nego mečevi koji oni igraju u klubovima. Treba i njima vremena da se naviknu, ali mislim da ćemo izvuć neku korist iz ovoga. Mladi igrači će uvijek dobijati šansu i što više prostora, jer nama poslije Olimpijade u Riju slijedi smjena generacije i ne smijemo napraviti brisani prostor, moramo napraviti mlade igrače'', zaključio je selektor Crne Gore.