"Pobjeda će nam puno značiti na polju samopouzdanja"

Vladan Spaić i Aleksa Ukropina zadovoljni su izdanjem i pobjedom protiv Srbije iako meč nije imao rezultatski značaj.

"Iako je bila utakmica bez rezultatskog značaja, za nas je ipak bila važna, jer smo pobijedili evropskog prvaka. Kada slaviš i na treningu znači dosta. Nama će ovo puno značiti na polju samopouzdanja. Žrijeb za SP? Teška grupa, ali nas možda kasnije čeka nešto lakše ukrštanje. Ali, gledamo sebe, pokušaćemo da se što bolje pripremimo, da budemo maksimalno spremni i da zabilježimo dobar rezultat. 

"Lijepo je pobijediti neku ekipu kao što je Srbija. Dugo nijesmo imali trijumf protiv njih. Iako utakmica nije imala rezultatski značaj dali smo sve od sebe. Njih je uvijek jako teško pobijediti. Ova utakmica će nam dobro poslužiti u analizi onoga što dolazi, oni su i u grupi sa nama na Svjetskom prvenstvu. Vidjeli su sigurno da moraju da pruže maksimum protiv nas. Nažalost nijesmo ispunili zacrtano na ovom turniru, ali slijede ljeto i pripreme, i siguran sam da ćemo se dobro pripremiti za ono glavno. Što se mene tiče, oporavak još traje, nijesam još na pravom nivou, ali zadovoljan sam jer je danas bilo mnogo bolje nego prethodnih dana", poručio je Aleksa Ukropina.

RASPORED:

Petak, 5. april:

15:00h Crna Gora - Mađarska 7:11

16:45h Španija - Srbija - 13:12

18:30h Italija - Rusija - 11:9

20:15h Grčka - Hrvatska - 11:13

Subota, 6. april:

15:00h Crna Gora - Rusija 15:9

16:45h Srbija - Grčka 14:10

18:30h Mađarska - Italija 12:11

20:15h Hrvatska - Španija 12:9

Nedjelja, 7. april:

15:00h za sedmo mjesto Rusija - Grčka 14:15

16:45h za peto mjesto Crna Gora - Srbija 16:14

18:30h za treće mjesto Italija - Španija 7:9

20:15h za prvo mjesto Hrvatska - Mađarska