Dobar nastup crnogorskih plivača na Balkaniajdi u Sarajevu

Na upravo završenom Balkanskom juniorskom prvenstvu za plivače koje je održano proteklog vikenda u Sarajevu prisustvovali su takmičari iz 12 država, nova članica bila je Slovenija. Crnu Goru su predstavljali Anđela Antunović, Aldemar Alikavazović i Nikola Šuka, i treneri Danijela Franeta i Sead Adrović.

Rezultati naših plivača:

Šuka Nikola:

100 kraul 00;56,07 – lični rekord

200 kraul 02;05,03 – lični rekord

Alikavazović Aldemar:

50 kraul 00;25,52 - lični rekord

100 prsno 01;10,00 – lični rekord

50 prsno 00;31,46

Antunović Anđela:

50 kraul 00;28,85

100 kraul 01;01,37

200 kraul 02;13,93  

"Odlična organizacija, sa najboljim bazenom u regionu i rezultatima plivača koji su u skoro svakoj trci obarali balkanske rekorde. Rezultatski gledano najjača Balkanijada ikada. Iz gore navedenih rezultata naših plivača, možemo zaključiti da je naš nastup bio uspiješan. Iako daleko od medalja, cilj naših plivača je bio da daju svoj maksimu i otplivaju svoja najbolja vremena. Nikola je u obje discipline otplivao svoje najbolje vrijeme i svoj prvi nastup na Balkanijadi opravdao u potpunosti. Aldemar Alikavazović je u dvije discipline otplivao svoja najbolja vremena, međutim u disciplini 50 prsno od koje smo i najviše očekivali, nije uspio da otpliva svoj najbolji rezultat. Anđela Antunović, naša najuspješnija juniorka na ovom takmičenju, nije uspjela da otpliva svoja najbolja vremena. Prva trka 50 kraul je bila lošija, ali kako je išlo takmičenje ona je plivala sve bolje. Jeste da nije otplivala svoja najbolja vremena, ali se vidi veliki pomak u odnosu na prošlu nedjelju kada je nastupila u Dubrovniku. Na kraju, treba istaći da je ovo početak sezone u velikim bazenima i da pred nama idu ozbiljna takmičenja, ali je potreban i ozbiljniji rad sa našim plivačima", poručila je Franeta.